Arrakasta kasuak
ALIA-FM, irrati-formulako lokutore automatiko adimendun baten prototipoa:
ALIA-FM irrati-formulako lokutore automatiko adimendun baten prototipoa da. ALIA proiektuan sortutako ereduen erabilgarritasuna erakusteko demostradore gisa garatu da, euskaraz eta gaztelaniaz irratsaio musikalak automatikoki sortzeko. Tresnak abestiak hautatzen ditu, haien inguruko informazioa eta testuingurua lantzen ditu, eta lokuzio koherentea sortzen du, erabiltzaileak web-interfaze baten bidez konfiguratutako irizpideen arabera.
ALIA-FM, irrati-formulako lokutore automatiko adimendun baten prototipoa:
Azalpen orokorra
ALIA-FM irrati-formulako lokutore automatiko adimendun baten prototipoa da. ALIA proiektuan sortutako ereduen erabilgarritasuna erakusteko demostradore gisa garatu da, euskaraz eta gaztelaniaz irratsaio musikalak automatikoki sortzeko. Tresnak abestiak hautatzen ditu, haien inguruko informazioa eta testuingurua lantzen ditu, eta lokuzio koherentea sortzen du, erabiltzaileak web-interfaze baten bidez konfiguratutako irizpideen arabera.
Erronka
Erronka nagusia izan da musika-irratsaio bat modu autonomoan sortzeko gai den sistema bat eraikitzea, abestien metadatuak irakurtzeaz harago doana. Sistemak abestiak eta artistak testuinguruan kokatu, haien arteko loturak sortu eta kanta batetik bestera narrazio natural eta jarraitua eraiki behar zuen, euskaraz zein gaztelaniaz.
Elkarlana
EHUrekin lankidetzan garatu da.
Emaitza
Proiektuaren emaitza ALIA-FM demostradore funtzionala da: erabiltzaileak irratsaioaren gaia, hizkuntza, lokutore-kopurua, ahotsen generoa eta erabiliko diren ezagutza-baseak konfigura ditzake, eta sistemak irratsaio musikal narratibo bat sortzen du. Arkitekturak abestien hautaketa-motorra, narrazioaren sorkuntza eta lokuzioaren sorrera bateratzen ditu, ALIA proiektuko LLM eta TTS ereduak erabilita. Prototipoaren kodea GitHuben dago: https://github.com/orai-nlp/alia-fm
